السلام عليكم ورحمة الله وبركاته
في البدايه اهنئ كل عراقي شريف وغيور وكل مواطن حتى غير العراقيين شرط ان يكون غيور على وطنه وارضه وصدقوني الي ماعندة وطنية ترى ماعندة دين والي ماعنده دين كل شيء يسوي0
المهم بالبدايه اعزي نفسي واعزي الشعب العراقي واعزي العراق ارضا وسماء وانهار وجبال واشجار من شماله الى جنوبه ومن شرقه الى غربه على ماذاق وسيذوق من ويلات ومرارة عيش لقد فقد العراقيين الملايين من ابنائهم بدون ذنب والسبب هو الكراسي والدولارات وفلان وعلان جلادين اصحاب نفوس ضعيفة لم يكفيهم سرقة اموال العراق التي هي من استحقاق شعبه بل ارادو القضاء على هذا الشعب العريق اغنى شعب بالعالم يعيش الفقر وانزه شعب بالعالم افشو فيه الفساد حاربو التعليم لكي يقضو على العلم الدراسات اللابتدائية بدلا من الكتب واللوازم المدرسية والتغذيه جعلو الطالب يشتري الكتاب والدفتروالقلم والممحاة وجعلو الدراسات العليا بملايين الدنانير وهم ادرى بحال الطالب العراقي 0 ياحكومة العراق نحن اغنى شعوب العالم وجعلتونا افقرهم المفروض من الحكومة ان كانت عندنا حكومة ان تدعم الطالب حتى ماديا وتبني المدارس والجامعات وتجهزها باحدث الاثاث واللوازم التي وتوفر للطالب كل مايحتاجه هل الرحلة ستؤثر على ميزانية العراق ام هل سيؤثرالقلم والدفتر والكتاب على الميزانيه ادعموا المعلم والاستاذ بالمرتب الذي يستحقه وادعمو الطالب بالكتاب والدفتر والتغذيه بدلا من محاربته ومطالبته بملايين الدنانير في السنه وبدلا من ان تاخذ كلية الحدباء الجامعة في الموصل مليونينين وثلاث مائةالف دينار من الطالب وفررو ياحكومة العراق كليه غيرها لو ماعدنة ميزانيه طلاب الابتدائية كل اربع طلاب برحله وين حكومة العراق ان كان عدنا حكومه عراقية 0
مو بس هذا وين المستشفيات والاجهزه الحديثة والعلاج لو بعدو العراق محاصر ليش الشعب العراقي يروح يتعالج بالخارج بعشرات الالاف من الدولارات وحتى المريض بالموت يا الله يحصل فيزة للخروج للعلاج حاربتو الشعب العراقي بكل الطرق حتى ما خليتولة احترام بين الشعوب وهوه اغنه الشعوب مع الاسف كل هذا يحصل لشعب العراق0
عدنه نهرين والشعب كله عطشان
وين الكهرباء موصار خمس اسنين من استلمتو العراق جنتو عايشين خارج العراق وشفتو شعوب العالم اشلون عايشة ومن رجعتو للعراق ما كلتو حرامات خلي انعيش هالشعب المكرود وانوفرله مثل ماوفرت باقي الحكومات لشعوبهة شفتو بالخارج الحكومات تزرع الشوارع كلهة ورود حتى المواطن ترتاح نفسيتو وجيتو وخليتو شوارع العراق مليانه عبوات والطسات لاتسال يمكن يجي يوم السيارات ماتمشي بالشوارع يصير التنقل عالحيوانات وانتو ولا سائلين صار كل واحد منكم ملياردير 0
الكهرباء ترفك لايت والكاز والغازوالبانزين والحصة التموينية وشكول اكثر ياحكومتنا انتو ادرى الارهاب صنع بمصانعكم فلا تتحججو به واطلب من الله عز وجل ان يخفف عن الشعب العراق الي ماشاف من خيراته ومن نفطة بس الابتلاء وان شاء الله كل شيء بحسابه يوم القيامة
لا اريد ان اطيل عليكم ولو ردت اكتب فكل وزارة عراقيه ينرادلهة منتدى كامل لحسابها على جرائمها ضد الشعب بس حتى الطفل هسه يعرف الحقيقة الي ادور حوله ويجي يوم ودور الدنيا بس نتمنى ان ياتينا اناس وطنيين بمعنى الكلمة وشكرا
